„რონიკო“ ლიდერი ოპტიკური კომპანიაა საქართველოში, რომელიც 1996 წელს დაარსდა თბილისში, ქვეყნის დედაქალაში. ყველაზე დიდი ოპტიკური ქსელი, ბრენდების ყველაზე ფართო არჩევანი, სათვალეების, კონტაქტური ლინზების და სასათვალე ლინზების ყველაზე დიდი სპექტრი; ოპტიკური სერვისები, ოფთალმოლოგიური კაბინეტები, ლაბორატორიები, ოპტიკოსების მოსამზადებელი ტრეინინგ ცენტრი, ოფიციალური დისტრიბუტორობის საერთაშორისო სერტიფიკატები - ეს და მრავალი სხვა კომპანიის მრავალწლიანი წარმატებული მოღვაწეობის შედეგია! „რონიკოს“ ერთ-ერთი მნიშვნელოვანი უპირატესობა მსოფლიოს წამყვან ოპტიკურ კომპანიებთან თანამშრომლობაა. ოპტიკური პროდუქციის ყველა სეგმენტში: მზის სათვალეები, ოპტიკური ჩარჩოები, სასათვალე ლინზები თუ კონტაქტური ლინზები „რონიკო“ თანამრომლობს მსოფლიოს საუკეთესო, ლიდერ მწარმოებლებთან. კომპანიის მთავარი პრიორიტეტი მომხმარებლისათვის ხარისხიანი პროდუქტის და სერვისის შეთავაზებაა, რისთვისაც ქსელში მუდმივად ხდება ინოვაციების დანერგვა: საუკეთესო პროდუქტების შემოტანა, მხედველობის დიაგნოსტიკის სერვისის დახვეწა, აპარატურის განახლება, სადიაგნოსტიკო ოფთალმოლოგიური კაბინეტების და ოპტიკური სათვალის დამამზადებელი ლაბორატორიების უკეთესად აღჭურვა, ექიმი-ოფთალმოლოგების და გაყიდვების კონსულტანტების დატრენინგება და მათი კვალიფიკაციის ამაღლება. ამჟამად „რონიკო“ 23 მაღაზიას აერთიანებს. ეს ქვეყნის ყველაზე დიდი ოპტიკური სალონების ქსელია. „რონიკოს“ ფილიალები საქართველოს ყველა დიდ ქალაქში და სავაჭრო ცენტრშია წარმოდგენილი. ფილიალების რაოდენობა წლიდან-წლამდე იზრდება და თითოეული მათგანი ხარისხობრივად იხვეწება. კომპანიის ბევრ ფილიალში ფუნქციონირებს ოფთალმოლოგიური კაბინეტი. ჩვენი ექიმი-ოფთალმოლოგები მხედველობის დიაგნოსტიკის და კორექციის ერთ-ერთი საუკეთესო სპეციალისტები არიან. „რონიკო“ საქართველოში მოღვაწე ოპტიკოსთა საუკეთესო და ყველაზე პროგრესული გუნდია!